الصيف طويل يا هايف

بين يوم ويوم يتحفونا اعضاء لجنه الظواهر الدخيله بمقترحات وقوانين ما تنم ألا عن تخلف وجهل بالعلم والتكنولوجيا..

وهذا شي طبيعي على تيار الصحوه الدينه وجماعه هلم يافتى نأكل طعام الثريد ونشرب اللوزدج ( ما اعرفه) ونحلى بأم علي..

هؤلاء المدعين والذين يريدون كبت أنفاسنا أستعملوا الديمقراطيه لتخريب الديمقراطيه..

بالأضافه لترويج أنفسهم بانهم حامي حمى الاسلام العريق..والناس مثل ماهو معروف تخاف من الدخول بالدين..

المهم ما أطولها .. سبب هذا البوست هو أقتراح النايب محمد هايف بألغاء غرف المحادثه التي توفرها شركات الاتصالات وتحميل وزير الموصلات هذه المسؤليه ..لأنها بوجه نظره الفذه تجلب المفاسد وعاده دخيله على عاداتنا وتقاليدنا ولا تتناسب مع الدين؟؟

وطبعا هذا العضو ومن على شاكلته ما يفقهون بامور التكنولوجيا ويعتبرونها عدو الدين الاسلامي الأول مع أنهم غاثينا وملوعين جبود الاوادم بقنواتهم البايخه مثل .. المجد.. وأقرأ (مع أنه صلعم يفتخر بقوله : نحن امه لا تقرأ) يعني يخالفون سنه صلعم؟؟

أيه نسيت قناه الرساله الي من ضمن باقه روتانا ..واكيد فيه غير هالقنوات التعبانه..

أو ما قاله هايف وهذا الي انا أعتقد فيه أنه شاف الصيف طويييل وحب ينكت شويه ويخفف حراره الصيف علينا ..

بس مثل ما قتلكم .. نكتهم ودمهم ثقيييييل ما ينبلع ..

وأحب أنا بدوري همن أنكت من هايف وأقوله أنا وياك بنكت وبقزرها على هاللجنه والتيار مالك لأني أسناااااانس لمه أضحك عليكم..

وياشين تنكتي وغشمرتي لأنه أمس حطيت ابليس يفتي لأبي نواس شوف باجر شحطلك بس أنت ولجنتك أنطر شويه..

وثالث شي يا حلات لمه أشوف بنت أدردش معاها بالشات ولا اسمع كلام ناس ميتين من 1400 سنه ..

والصراحه يا هايف صاحبه هالصوره ما تبعث على الأمل بوجها الصبوحي المنور .. انا أشوفها جذيه..